Margot : Rechercher
Margot: O_st1
Text: Campsey 9 (O_st) : Vie de s. Osith, virge e martire, auteur anon.
134v
Fol. 134va
La Vie seinte Osith, virge e martire
par
Anon.
*
fol.
134v
Ici comence la vie seinte Osith
virge e martire
O_st1 Ceo nus mustre seinte escripture,
O_st2 Bon fu ki met en Deu sa cure
O_st3 Et aime e creient son Creatur
O_st4 Plus ke ne fet autre seigniur;
O_st5 Ki laime e creient e bien le sert,
O_st6 Ne ci ne ailliurs ja ne pert;
O_st7 Ki guerpist terre pur son non
O_st8 Ciel li donne de guerdon;
O_st9 Ne change cil pas follement
O_st10 Ke terre lesse e le ciel prent;
O_st11 Ne folement ne change mie
Fol. 134vb
O_st12 Ke lesse mort e receit vie;
O_st13 Cil change bien, cil change a dreit
O_st14 Ki mort lesse e vie receit;
O_st15 Kar certes del mund la richesse
O_st16 Nest fors dolur e granz tristesce;
O_st17 Honur del mond est trespassable,
O_st18 Et a nus tuz mut poi estable.
O_st19 Ki ne volt creire ne saveir,
O_st20 Bien los dire, fols est pur veir.
O_st21 Veum par ceus ke sunt
alé,
O_st22 Nos ancestres e trespassé:
O_st23 U sont nos aels e nos peres,
O_st24 U nos uncles, u nos meres,
O_st25 Ke tant furent riches e beaus,
O_st26 Assez orent dras e chivaus?
O_st27 Tuz i sont alez, sachez en fin,
O_st28 Si vous atendunt en chemin;
O_st29 [ . . . . . . .]
O_st30 Quel jur son eire ert aprestez;
O_st31 Pur ceo vous di, si lentendez,
O_st32 Ki aime Deu bonz fu neez.
O_st33 Kar tant cum il Deu amera,
O_st34 Et son servise meintendra,
O_st35 Pur veir vous di, nestut doter
O_st36 Quel jur deive del siecle aler.
O_st37 A Deu tant bonz fu finement
O_st38 Ke de seinz Deu example prent,
O_st39 Ki gu[e]rpirent terre e honur
O_st40 Et tut le mund pur Deu amur,
O_st41 Et soffrirent hunte e esclandre;
O_st42 Pur Deu firent lur sanc espandre;
O_st43 En bon entente e en bon espeir
O_st44 Mort donerent pur vie aveir;
O_st45 De tels a grant plenté trovum