Margot : Rechercher
Margot: OxfMdw8
Text: 11a (OxfMdw) : copie, MS Oxford Bodleian Digby 34
1r
Fol. 1ra
MS Oxford Bodleian Digby 34
La Vie sainte Modwenne, noneyne
par
Anon.
1 OxfMdw1 Oez, seignurs, pur Deu vus pri,
OxfMdw2 Cument li munz, [ke] ert peri,
OxfMdw3 A la glorie, dunt il chai,
OxfMdw4 Par Jesu Crist reverti.
2 OxfMdw5 Quant Adam par sun peché
OxfMdw6 De parais esteit jeté,
OxfMdw7 Deus en ot [mut] grant pité
OxfMdw8 De ceo quil ert issi dampné.
3 OxfMdw9 Pur restorer la nature,
OxfMdw10 Que fete fud a sa figure,
OxfMdw11 Char reçut e nette e pure,
OxfMdw12 Cum nus trovum en escripture,
4 OxfMdw13 Ki fud pur nus en cruiz penee
OxfMdw14 E a mort a tort liveree
OxfMdw15 Par cele gent desmesuree,
OxfMdw16 A qui la lei fud ainz dunee.
5 OxfMdw17 Joseph, qui fu dArimathie,
OxfMdw18 Mult lad bel acuillie
OxfMdw19 E en sepulcre ensevelie,
OxfMdw20 Dunt Deu [la] leive de mort en vie.
6 OxfMdw21 Li diables, qui tant ert fort,
OxfMdw22 Destruit est par ceste mort
OxfMdw23 Kar ceo quil ot cunquis a tort,
OxfMdw24 Tut ad perdu sanz nul resort.
7 OxfMdw25 Seignurs, issi cum vus oez,
OxfMdw26 Fud le dammage restorez,
OxfMdw27 Que Adam cunquist a siz lignez
Fol. 1rb
OxfMdw28 Par la prise del frut viez.
8 OxfMdw29 Pur ceo vus voil joe veir cunter
OxfMdw30 [Ke], qui de mort se volt salver,
OxfMdw31 Le chemin cuveient aler,
OxfMdw32 Que Deu ala, u periller,
9 OxfMdw33 Cum li seint apostre firent,
OxfMdw34 Ki Dampnedeu en char servirent;
OxfMdw35 Ahans, dolurs pur lui suffrirent
OxfMdw36 E tut le mund pur lui guerpirent
10 OxfMdw37 E autres seinz [aprés] plusurs,
OxfMdw38 Cum martyrs e confessurs,
OxfMdw39 Seinz hermites [e] bons pasturs,
OxfMdw40 Ki Deu servirent a gran[z] dolurs.
11 OxfMdw41 E de puceles ke purrum dire?
OxfMdw42 Certes ne puet nul quer suffire
OxfMdw43 Lur grant travail, lur [grief] martire,
OxfMdw44 Ne lur turmenz pur rien descrire.
12 OxfMdw45 Le quer destreignent de folie,
OxfMdw46 La char tendre de villainie;
OxfMdw47 Ne sai cument, par quel veisdie,
OxfMdw48 Nes ad nature en seignurie.
13 OxfMdw49 Nature! Nun, oez pur quei
OxfMdw50 Kar de nature est la lei:
OxfMdw51 Hair mesaise [e] feim e sei,
OxfMdw52 La char nurrir en grant requei.
14 OxfMdw53 Certes le funt tut autrement
OxfMdw54 Kar feim e sei communement,