3r
Fol. 3ra
MS London British Library Cotton Domitian A.XI
CotE_dR1 Mult ay usé cum pechere
CotE_dR2 Ma vie en trop fole manere,
CotE_dR3 E trop ay usé ma vie
CotE_dR4 E en peché e en folie.
CotE_dR5 Kant courte hantey of les curteis,
CotE_dR6 Si fesei les ser v enteis,
CotE_dR7 Chaunceunettes, rymes, saluz
CotE_dR8 Entre le drues e les druz.
CotE_dR9 Mult me penay de tels vers fere
CotE_dR10 Ke assemble les puise treire,
CotE_dR11 E kensemble fussent justez
CotE_dR12 Pur ac om plir lur volentez.
CotE_dR13 Ceo me fist fere le enemy,
CotE_dR14 Si me tync ore a malbaily
CotE_dR15 James ne me burderay plus
CotE_dR16 Jeo ay noun Denis Piramus
CotE_dR17 Mes jours jolifs de ma joefnnesce,
CotE_dR18 Sen vunt, si trey jeo a vveilesce,
CotE_dR19 Si est bien dreit ke me repente.
CotE_dR20 En autre o v re mettrai mentente,
CotE_dR21 Ke mult mielsdre est e plus nutable.
CotE_dR22 Dieus me ayde espiritable
CotE_dR23 E la grace seint espirit
CotE_dR24 Seit of mot e si ayt.
CotE_dR25 Cil ki Partonope trova
CotE_dR26 E ki les vers fist e ryma,
CotE_dR27 Mult se pena de bien dire
CotE_dR28 Si dist il bien de cele matire;
CotE_dR29 Cum de fable e de menceonge
CotE_dR30 La matire resemble suonge.
CotE_dR31 Kar ceo ne put unkes estre.
CotE_dR32 Si est il tenu pur bon mestre
CotE_dR33 E les vers sunt mult amez
CotE_dR34 E en ces riches curtes loez
CotE_dR35 E Dame Marie autresi,
CotE_dR36 Ki en ryme fist e basti
CotE_dR37 E compensa les vers de lays,
CotE_dR38 Ke ne sunt pas de tut verais;
CotE_dR39 E si en est ele mult loee
CotE_dR40 E la ryme par tut amee,
CotE_dR41 Kar mult layment si lunt mult cher
CotE_dR42 Cunt, barun e chivaler.
Fol. 3rb
CotE_dR43 E si enayment mult lescrit
CotE_dR44 E lire le funt, si unt delit,
CotE_dR45 E si les funt sovent retreire.
CotE_dR46 Les lays soleient as dames pleire,
CotE_dR47 De joye les oyent e de gré,
CotE_dR48 Quil sunt sulum lur volenté.
CotE_dR49 Li rey, li prince e li courtur,
CotE_dR50 Cunt, barun e vavasur
CotE_dR51 Ayment cuntes, chanceuns e fables.
CotE_dR52 E bon diz qui sunt dilitables,
CotE_dR53 Kar il hostent e gettent penser.
CotE_dR54 Doel, enuy et travaile de quer,
CotE_dR55 E si funt ires ublier
CotE_dR56 E del quer hostent le penser.
CotE_dR57 Kant cil e vus, segnur trestuit,
CotE_dR58 Amez tel ovre e tel deduit,
CotE_dR59 Si vus volez entendre a mei,
CotE_dR60 Jeo vus dirray par dreit fei
CotE_dR61 Un deduit qui milez valut asez
CotE_dR62 Ke ces autres ke tant amez,
CotE_dR63 E plus delitables a oyr.
CotE_dR64 Si purrez les almes garir
CotE_dR65 E les cors garauntir de hunte.
CotE_dR66 Mult deit homme bien oyr tel cunte.
CotE_dR67 Homme deit mult mielz a sen entendre
CotE_dR68 Ke en folie le tens despendre.
CotE_dR69 Un dedut pars vers vus dirray.
CotE_dR70 Ke sunt de sen e si verray
CotE_dR71 Kunkes rien ne pout plus veir estre,
CotE_dR72 Kar bien le virent nostre ancestre,
CotE_dR73 En nus en apres de eyr en eyr
CotE_dR74 Avum bien veu que ceo est veyr.
CotE_dR75 Kar a nos tens est aveneu
CotE_dR76 De ceste oevre meynte verteu.
CotE_dR77 Ceo que homme veit, ceo deit hom crere
CotE_dR78 Kar ceo nest pas sunge ne arveire
CotE_dR79 Les vers que vus dirray si sunt
CotE_dR80 Des enfantes de seint Edmunt
CotE_dR81 E de miracles autresi;
CotE_dR82 Unkes homme plus beals ne oy.
CotE_dR83 Rei, duc, prince e emperur,
CotE_dR84 Cunt, barun e vavasur.