108v
Fol. 108va
Passio beati Georgii militis et martiris
G_o1 Sages est qui sen escrist,
G_o2 Il fait a plusurs profist,
G_o3 Mult poet profiter a genz
G_o4 Un escrit u senz est enz;
G_o5 Ni ad rens en cest romanz
G_o6 Dunt li profit ne seit granz.
G_o7 De seint George vus voil dire
G_o8 E descrivre son martire.
G_o9 Feer fut par sa lei defendre;
G_o10 Ren ne volt vers Deu mesprendre,
G_o11 E el Mahon ne volt crere,
G_o12 Il sen larrat enz detrere.
G_o13 Ne se volt unc (ms:unques) reneer,
G_o14 Einz se larrat il neieer.
G_o15 Mult li fist hom peine et mal
G_o16 E tut tens out quer leal;
G_o17 Fin quer out, ferme e fort.
G_o18 Unc ne volt pur sosfrir mort
G_o19 Son Deu ne sa lei despire,
G_o20 Tut le leesça enz occire.
G_o21 Pur conter a dreit lestorie
G_o22 E mels aver en memorie,
G_o23 Comencer voil ici en (ms:e) dreit
G_o24 De un tirant qui dunt esteit:
G_o25 Empereres ert de Rome,
G_o26 Dacïen lescrit le nome.
G_o27 Cruel fut, e fol e fiers,
G_o28 Nul el mond ne fut sis (ms:cis) pers.
G_o29 Cist mist tut tens peine e cure
G_o30 Faire as cristiens leis dure.
G_o31 Cristiens fist prendre e batre
G_o32 Pur la nostre lei abatre.
G_o33 En son penser naveit el (ms: eel)
G_o34 Fors hair le rei del ciel.
G_o35 Unc mes ne fut hom en vie
G_o36 Qui vers Deu ot tele envie.
Fol. 108vb
G_o37 Un jur somonst son barnage
G_o38 Pur demustrer grant utrage.
G_o39 Milette aveit non la vile
G_o40 U il tint son grant cuncile.
G_o41 Reis i vindrent trente e dous,
G_o42 E pople merveillus od els.
G_o43 Seignurs, fait il, ore oez,
G_o44 De ben faire me loez.
G_o45 Ci vus ai fet tuz somondre
G_o46 Pur les cristiens confundre.
G_o47 Qui pur cristiens se avue,
G_o48 Liverez ert a male vue.
G_o49 Esscorcher li fra le dos,
G_o50 E puis saler desqua los.
G_o51 Les dous oils li fra voler,
G_o52 E puis vilement decoler.
G_o53 Qui ne creit en Apolin
G_o54 Mort averat e mal fin.
G_o55 Qui en lui ne voldrat creire,
G_o56 De chivals lui fra detreire.
G_o57 La lur mustra les liens
G_o58 Dunt feit lier cristiens,
G_o59 E demustra les turmenz
G_o60 Fait a cristienes genz.
G_o61 Pur pour e pur manace
G_o62 Ni out nul hom en la place
G_o63 Qui volsist avant venir
G_o64 Pur la lei Deu maintenir.
G_o65 De lui se guaitat chescon ben
G_o66 Cum levre fait quant veit le chen.
G_o67 (ms: Seint) George fut de noble quer,
G_o68 Ne volt flechir a nul for
G_o69 Pur espee ne pur lance,
G_o70 Ne volt guerpir sa creance.
G_o71 De lemperur vus ai dit,
G_o72 Que nostre (ms: vostre) lei mist en despit.
G_o73 Ore vus dirrai ci avant
G_o74 De seint George le vaillant.
G_o75 Pur conter le conte a dreit
G_o76 Ci dirrai dunt il esteit,
G_o77 Quels hom e de quel (ms: quele) manere
G_o78 Cum vers Deu out amur chere.
G_o79 Capadoce fu nomez
G_o80 Cil paiz dunt il fut nez.
G_o81 Hom fut de grant parage
G_o82 E de bonté grant par age.