Margot : Rechercher
Margot: AKth
Text: 13b (AKth) : copie, MS Paris BnF n.a.f. 4503
43r
Fol. 43r
MS Paris BnF nouv. acq. fr. 4503
La Vie sainte Catherine
par
Clemence de Berkinge
AKth1 Cil ki le bien seit e entent
AKth2 Demustrer le deit sagement,
AKth3 Que par le fruit de sa bunté
AKth4 Seient li altre amonesté
AKth5 De bien faire e de bien voleir
AKth6 Sulunc ço quen unt le poeir.
AKth7 Car cil ki sul est bon de sei
AKth8 A nus dunad essample e lei;
AKth9 Sa bunté ne nus volt celer,
AKth10 Mais cumunement demustrer.
AKth11 De sun bien suffist chascun
AKth12 Car il sul est a tuz cummun.
AKth13 De sa grant largesce nus paist
AKth14 E tut nostre bien del suen naist.
AKth15 Beneurez est ki si alie
AKth16 E a cel grant bien sun cuer plie
AKth17 Que mueisun de tens ne mue
AKth18 Ne lai ne [re]prent ne argue.
AKth19 Unkes a nul ne volt failir
AKth20 Ki de lui oust desir.
AKth21 Mult ad en li riche cunquest
AKth22 Ki tut jurz fud e ert e est.
AKth23 Or li preum par sa dolçur
AKth24 Quil nus doinst faire tel labur
AKth25 E issi sivre ici sa trace,
AKth26 Que la le veum face a face
AKth27 U li regne en sa majesté
AKth28 Uns Deus en Sainte Trinité.
AKth29 Pur sa pieté men deit aidier
AKth30 A cel ovre que vuil traitier
AKth31 Dune sue veraie amie,
AKth32 De qui voil translater la vie,
AKth33 De latin respundre en rumanz
AKth34 Pur ço que plus plaiseit as oianz.
AKth35 Ele fud jadis translaté
AKth36 Sulunc le tens bien ordené;
AKth37 Mais ne furent dunc si veisdus
AKth38 Les humes, ne si envius
AKth39 Cum il sunt al tens ki est ore
AKth40 E aprés nus serrunt uncore.
AKth41 Pur ço que li tens est mué