Margot : Rechercher
Margot: BNMgd1
Text: 5a (BNMgd) : copie, MS Paris BnF fr. 19525
67r
Fol. 67ra
MS Paris BnF f.fr. 19525
De sainte Marie Magdaleine
par
Guillaume le Clerc de Normandie
BNMgd1 Aprés ceo ke nostre Seignor
BNMgd2 Jesu Crist, le voir sauveor,
BNMgd3 Fu relevez de mort a vie,
BNMgd4 E si fu de la cumpaignie
BNMgd5 Parti e la sus monté
BNMgd6 Al destre de la magesté,
BNMgd7 Li apostre se departirent,
BNMgd8 Qui plusors teres cumvertirent.
BNMgd9 La gloriouse Magdaleine,
BNMgd10 Ki de lamur de Deu fu plaine,
BNMgd11 Marthe, sa suer, e Lazarus,
BNMgd12 Que suscité avoit Jesus,
BNMgd13 E cil ke [ciu] out esté né,
BNMgd14 Que Deus avoit enluminé,
BNMgd15 Dont maint Jueu sesmerveilla,
BNMgd16 E la curteise Marcilla,
BNMgd17 Qui la bele parole dist
BNMgd18 Quant ele benei Jesu Crist
BNMgd19 E le ventre ki le porta
BNMgd20 E la mamele kil tetta,
BNMgd21 E un deciple de grant pris
BNMgd22 Ki fu un des seisante dis,
BNMgd23 Qui Maxi[min]us avoit nun,
BNMgd24 Cil fu lur siste cumpaignun.
BNMgd25 [Ms Cmp: Ou autre genz quil aveient,]
BNMgd26 [Ms Cmp: Ki en nostre Seignur creient,]
BNMgd27 Al cungié Pierres sen alerent.
BNMgd28 La mer de Grece trespasserent
BNMgd29 E ariverent a Marceille.
BNMgd30 En la vile, ceo fu merveille,
BNMgd31 Ne purent trover nul ostel,
BNMgd32 Mes al porche (ms:temple) dun faus autel
BNMgd33 Del temple ou la gent sasembloent,
Fol. 67rb
BNMgd34 Qui vaines ydles aoroent,
BNMgd35 Les covint la nuit herbergier,
BNMgd36 A poi beivre e a poi mangier.
BNMgd37 Lendemain quant le jur fu cler
BNMgd38 Veissez venir e aler
BNMgd39 Al temple cele fole gent.
BNMgd40 La Magdaleine od le cors gent
BNMgd41 Lur comença a preechier
BNMgd42 Quil leissasent a pecchier
BNMgd43 E aorassent Jesu Crist.
BNMgd44 Bien lur enseigna e descrist
BNMgd45 Com il en tere seit venuz,
BNMgd46 E coment il seit contenuz,
BNMgd47 E coment il ert resuscité
BNMgd48 E coment il ert al ciel monté
BNMgd49 E coment al derain Jur
BNMgd50 Il devendrat estre Jugeur.
BNMgd51 Plusors ki la virent tant bele
BNMgd52 Entendirent a sa querele
BNMgd53 E lescoterent ducement,
BNMgd54 Kar ele parlout mult noblement,
BNMgd55 E ceo nesteit mie merveile
BNMgd56 [Ke] sa bele buche vermeile,
BNMgd57 Ki les piez Dieu beisé aveit,
BNMgd58 Curteisement parler saveit.
BNMgd59 Tant sermona, jol vus plevis,
BNMgd60 Que un halt home del pais,
BNMgd61 A cui la province apendeit,
BNMgd62 Od sa femme, ke bele esteit,
BNMgd63 Vint al temple son deu prier
BNMgd64 Que il li volsist otrier
BNMgd65 Que sa femme poust conceivre