222
Fol. 222ra
MS London BL Additional 70513
La Vie seint Richard, evesque de Cycestre
par
Pierre d'Abernon de Fetcham
fol.
222rIssi comence la Vie seint Richard,
evesque de Cycestre
[Primer Livre]
R_c1 Bon est de mettre en escrit
R_c2 Verai cunte de fet et dit,
R_c3 Ke de oir dune en quer delit,
Fol. 222rb
R_c4 Si aprés en vient le profit
R_c5 De humilité e de devotiun
R_c6 Parunt averum savatiun.
R_c7 Mes retraire cunte de folie,
R_c8 De fol amant e fole amie,
R_c9 Pur les jufnes enticer
R_c10 E les jefnes folement amer,
R_c11 E cunter ausi de chevalerie
R_c12 Que unkes n’avint en ceste vie,
R_c13 E vies ke d’aukun seit veir le dit,
R_c14 De l’oir poi en vendra profit.
R_c15 Si l’em cunte romanz d’amur,
R_c16 K’en vient de l’oir a chief de tur?
R_c17 Ne sai, for mettre le penser
R_c18 En folie, folement amer.
R_c19 E quel profit en vient de cunter
R_c20 De la pruesce un chevaler,
R_c21 For sulement le delit de l’oir
R_c22 Ke suvent les autres fet esbaudir?
R_c23 Mes icel esbaudissement,
R_c24 D’orguil vient veraiment
R_c25 Que contraire est a humilité,
R_c26 Ke veie nus dune a sauveté.
R_c27 Pur ceo mieuz vaut, c’est la parclose,
R_c28 De fere romanz de tele chose,
R_c29 De mettre hume en tel penser,
R_c30 Dunt il s’en puisse bien enformer
R_c31 D’amer Deu especiaument,
R_c32 Parunt venir poust a sauvement.
R_c33 L’en dust penser la curtaisie
R_c34 Que fet as seinz en ceste vie,
R_c35 Ke leaument issi servi l’unt,
R_c36 Parunt en sa joie en ciel sunt.