Margot : Rechercher
Margot: Clmt 1
Text: Vie de seint Clement, pape (Clmt), MS Cambridge Trinity College R.3.46
122r
MS Cambridge Trinity College R.3.46
La Vie de seint Clement, Pape
par
Anon.
Fol. 122r
Clmt1 Li clerc descole ki apris unt
Clmt2 Tant que aukes entendant sunt,
Clmt3 Mult se peinent de livres faire
Clmt4 E de sentences en lung traire,
Clmt5 Que pur mustrer lur saveir
Clmt6 Que pur los del siecle aveir.
Clmt7 Livres funt tut de nuvel,
Clmt8 Sis adubbent asez bel;
Clmt9 Bel escrivent e bel les ditent,
Clmt10 Mes li lai poi i profitent;
Clmt11 E clerc i sunt poi amendé
Clmt12 Ki en lettrure ne sunt fundé.
Clmt13 Li clerc meisme ki funt ces livres
Clmt14 Prest ne sunt ne delivres
Clmt15 De faire as nun lettrez aprendre,
Clmt16 E en vulgar cumun entendre
Clmt17 Que ceo seit que il unt dit
Clmt18 En lur livres que unt escrit;
Clmt19 Kar ceo lur suffist asez
Clmt20 Que de autres clers seient loez,
Clmt21 E que ceo peusse estre dit:
Clmt22 Bon clers est ki si escrit.
Clmt23 Pur ceo que fous est tel purpens
Clmt24 De si despendre en nient bon sens,
Clmt25 E pur ceo que livres sunt asez
Clmt26 Ki bien suffisent as lettrez,
Clmt27 Al mien avis mult mieuz serreit,
Clmt28 E a plus grant pru turnereit,
Clmt29 Si li livre de antiquité
Clmt30 Ki sunt fait de verité,
Clmt31 E dunt lum ad bien entendu
Clmt32 Que li auctur sunt bien de Deu,