Margot : Rechercher
Margot: P_ht1
Text: Campsey 3 (P_ht) : Nicole Bozon, Vie de seint Paule le hermite
6r
Fol. 6ra
La Vie de seint Paul le hermite
par
Nicole Bozon
fol.
6r
La vie de seint Paule le hermite
P_ht1 Le primer hermite ke ay trovee,
P_ht2 Seint Pol le hermite est nomee;
P_ht3 Yl fut eu tens le emperour
P_ht4 Decius, un turmentour,
P_ht5 Ke tourmenta les cristiens
P_ht6 Diversement, diverse genz.
P_ht7 A cel houre deus juvenceus,
P_ht8 Deus cristiens bons e leus,
P_ht9 Furent pris e aresounee
P_ht10 Si voleyent guerpir la cristientee:
P_ht11 Nay, fount il, avaunt la
mort
P_ht12 Nus ellisoum, ke fere teu tort.
P_ht13 Lors pristrent lun e le unt lyé
P_ht14 A un ostache e flaelee,
P_ht15 Taunt ke il fut ensaunglauntee,
P_ht16 E pus soun cors de mel unt frotee.
P_ht17 Le solail ardaunt soun cors ard;
P_ht18 Les mousches le assaillent de tote part,
P_ht19 Quele peyne il souffry lors,
P_ht20 Nul ne sout for soun cors.
P_ht21 Pur tote la peyne ne poyent mye
P_ht22 Fere le graunter reneerie;
P_ht23 Ben vesquit, e ben morut,
P_ht24 Hore ly turne tut a dedut.
P_ht25 Soun cumpaynoun ausi leus,
P_ht26 Ausi estable, mes plus beus,
P_ht27 De assez plus ad souffert,
P_ht28 Diverse peynes saunz desert,
P_ht29 E par arsoun e par freyt;
P_ht30 Mes par tut mestre esteit.
P_ht31 Kaunt Sathan perdy par la sa
preye,
Fol. 6rb
P_ht32 Yl le assailli par autre veye.
P_ht33 En un verger delicious,
P_ht34 Il le unt amenee par desouz
P_ht35 Les arbres fuyllez e floriez,
P_ht36 Hou oyseus fount lur melodiez,
P_ht37 Hou se espanit le douz odour
P_ht38 De rose e lyz e autre flour,
P_ht39 Hou les riveres encountreyent
P_ht40 Ke le verger envirouneyent,
P_ht41 Partut enclos de beu treleyz,
P_ht42 Ben frettee de beu foylliz,
P_ht43 La feseyent fere un lit,
P_ht44 Ben covert de beu samyt;
P_ht45 E unt cogee ly juvenceous,
P_ht46 En [i]ceu lyt ke fu si beus,
P_ht47 [E] meynz e pez ly unt lyee
P_ht48 De laz de seye ben afforcee;
P_ht49 E pus sen sount touz alee,
P_ht50 E meyntenaunt [sest] revee[e],
P_ht51 Femme en beauté graciouse,
P_ht52 Mes en malice venimouse.
P_ht53 La bele mauveyse le beysa,
P_ht54 E vileynement le manya,
P_ht55 Des braz souvent le enbraza
P_ht56 E mout forment le tempta.
P_ht57 Yl senty sa char eschaufer,
P_ht58 E il ne se pout deliverer;
P_ht59 Sa launge demeyne ad coupee
P_ht60 De ses denz, e escoupee
P_ht61 En my la face vileyne,
P_ht62 Ke ly feseit taunt de peyne;
P_ht63 Ele vit sa bountee taunt parfite,