1r
Fol. 1ra
MS London BL Additional 70513
La vie de seynte Elizabeth
par
Nicole Bozon
fol. 1r
La vie de seynte Elizabeth
E_bt1 Novele rose de nostre verger
E_bt2 A nous se moustra avaunt her:
E_bt3 Une dame de graunt noblesce,
E_bt4 Fille de rey e graunt ducchesce,
E_bt5 Seynt’ Elizabeth est nomee,
E_bt6 Pur ky Deus ad overee.
E_bt7 Fille esteit le rey de Houngrie,
E_bt8 Sage e courteyse e ben nourrie;
E_bt9 E pur ceo ke sovent aveent
E_bt10 Ke bounté de nourture veent,
E_bt11 Plus out en ly de bountee
E_bt12 [Ms CtE_bt: Ke ne put estre ore mustré.]
E_bt13 Ele comenza mout par tens
E_bt14 En le servise Deu user soun tens;
E_bt15 Tot fut ele mout honouree,
E_bt16 Le honour de mund ad poy amee.
E_bt17 Checun jour ele visita
E_bt18 Lé povre genz ke mout ama;
E_bt19 De hors le paleys les fit venir
E_bt20 E de ses bens ho eus partir,
E_bt21 E sovent les pria de prier
E_bt22 Deu pur ly de bon quer.
E_bt23 Kaunt ele vent de greyngnur age,
E_bt24 Soun pere la purvit de mariage;
E_bt25 Au duk de Turring fu mariee,
E_bt26 Homme noble e allosee,
E_bt27 Ke souffrit ben nut e jour
E_bt28 Ke ele servesit soun Creatour,
E_bt29 Dount ele s’en joyhit e merciout
E_bt30 Deu e ly ke fere le pout.
E_bt31 Lors comenza de enhoyter
E_bt32 Sa devocioun par ben overer;
Fol. 1rb
E_bt33 Pur l’amour Jhesu Crist
E_bt34 En povre genz myt soun delyt,
E_bt35 Dount ele fit un hospital
E_bt36 Pur povre genz en un val
E_bt37 Hou ele pout a soun voler
E_bt38 Checun jour eus visiter.
E_bt39 De un a autre s’en ala,
E_bt40 E de checun demaunda
E_bt41 Quele viaunde vout manger,
E_bt42 E memes le fit atirer.
E_bt43 Un jour avynt ke ele enquit
E_bt44 De une malade ke languit
E_bt45 Quele viaunde desireit,
E_bt46 Ele promit ke il [l’]avereit.
E_bt47 “Dame,” dit il, “cynk hou sis
E_bt48 De petite loches, mes en ceo pays
E_bt49 Ne sount poynt trovez, jeo say ben.”
E_bt50 La dame ne fet autre rien,
E_bt51 Fors s’en va dehors le hus,
E_bt52 Ho une gathe, a un puz
E_bt53 Hou unke loche, ne autre pessoun,
E_bt54 Ne fu trovee de nul (ms:nous) houm.
E_bt55 Si reporta en sa mey[n]
E_bt56 De bele loches la gathe pleyn;
E_bt57 De sa meyn les atira
E_bt58 E au malade les dona.
E_bt59 Si tot cum il en out mangé
E_bt60 Par Deu receut pleyne sauntee.
E_bt61 Teu miracle fit Deu pur cele
E_bt62 Ke servaunte ly fut bone e lele;
E_bt63 Ke hut hore tele servaunte,
E_bt64 Ne serreit mester pur uncle ne aunte