Margot : Rechercher
Margot: Mgd1
Text: Campsey 5 (Mgd) : Guillaume le Clerc de Normandie, De s. Marie Magdalene
50v
Fol. 50va
De sainte Marie Magdalene
par
Guillaume le Clerc de Normandie
fol.
50v
Ici comence le romanz
De sainte Marie Magdalene
Mgd1 Aprés ce que nostre Seignur
Mgd2 Jhesu Crist, le verai Salveur,
Mgd3 Fu relevé de mort en vie
Mgd4 Et fu de sa compaignie
Mgd5 Partyz, et desus i munté
Mgd6 A destre de sa majesté,
Mgd7 Les apostres sen departirent
Mgd8 Qui plusurs terres convertirent.
Mgd9 La gloriuse Magdalene
Mgd10 Ke de lamur Deu fu pleine,
Mgd11 Martha, sa suer, et Lazarus
Mgd12 Ki resuscité aveit Jhesus,
Mgd13 Et celui ki ciu out esté né (ms: nee),
Mgd14 Ke Deus aveit enluminé (ms: enluminee)
Mgd15 Dunt maint Gieu se merveillia,
Mgd16 Et la curteise Ma[r]cilla
Mgd17 Ki la bone parole di[s]t
Mgd18 Quant ele beneit Jhesu Crist,
Mgd19 Et le ventre qui le (ms:lui) porta
Mgd20 Et la mamele quil teita,
Mgd21 Et un disciple de grant pris
Mgd22 Ki esteit des (ms:dees) seisante dis,
Mgd23 Ki Maximi[n]us aveit a nun,
Mgd24 Cist fu lur sisme compaignun.
Mgd25 Ou autre genz quil aveient,
Mgd26 Ki en nostre Seignur creient,
Mgd27 Al cungé saint Pere sen alerent.
Mgd28 La mer de Grece trespasserent,
Fol. 50vb
Mgd29 [Et] ariverent a Marc[e]ilie.
Mgd30 En la vile, ceo fu merveillie,
Mgd31 Ne poeient trover nul hostel,
Mgd32 Mes en porche dun faus hautel (ms:hauter)
Mgd33 Dun temple u la gent
sasemblerent,
Mgd34 Ke faus ymages adorerent,
Mgd35 La les cuvint herbergier,
Mgd36 A poy (ms:a) beivere et a poi (ms:a) manger.
Mgd37 Lendeman quant le jur fu cler,
Mgd38 Veissez venir et aler
Mgd39 Au temple cele fole gent.
Mgd40 La Magdalene ou (ms:out) le cors gent
Mgd41 Lur comença a preeschier
Mgd42 Quil lessassent a pechier
Mgd43 Et adorassent Jhesu Crist.
Mgd44 Bien lur enseigna et descrist
Mgd45 Come il ert en terre venuz,
Mgd46 Et cum il sesteit contenuz,
Mgd47 Et cum il est resuscitez,
Mgd48 Et cum il est au ciel muntez,
Mgd49 Et coment al derain jur
Mgd50 Il vendreit estre jugeur.
Mgd51 Plusurs qui la virent tant
bele
Mgd52 Entendirent a la querele
Mgd53 Et lescuterent dulcement,
Mgd54 Kar ele parlot mult noblement.
Mgd55 Et ce nesteit mie merveillie
Mgd56 [Ke] la buche (ms:est) bele et vermeillie,
Mgd57 Ki les piez Deu beisé aveit,
Mgd58 Curteisement parler saveit.
Mgd59 Tant sermuna, le vus plevis,
Mgd60 Que un haut home de[l] pais,
Mgd61 A ki la province apendeit,
Mgd62 Ou sa mullier que bele aveit,
Mgd63 Vint a temple sun deu preier