Margot : Rechercher
Margot: PKth1
Text: 13a (PKth) : copie,MS Paris BnF fr. 23112
317v
Fol. 317va
MS Paris BnF fr. 23112
La Vie de sainte Katerine
par
Clemence de Berkinge
Chest le vie sainte Katerine
PKth1 Chil qui le bien seit et entent
PKth2 Demostrer le doit saigement,
PKth3 Ke par le fruit de se bonté
PKth4 Soient li autre amonnesté
PKth5 De bien faire et de bien voloir
PKth6 Selonc chou quil ont le pooir.
PKth7 Car cil qui seus est bons de soi
PKth8 A nos donna essample et loi;
PKth9 Se bonté et nos voust cheler,
PKth10 Mais communement demoustrer.
PKth11 De son bien est soffis cascuns
PKth12 Car il seus est a tous communs.
PKth13 De se grant largeche nos paist
PKth14 Et tous nostres biens de lui naist.
PKth15 Liés puet estre qui si aloie
PKth16 Et a cel grant bien son cuer ploie
PKth17 Ke muisons de tans ne mue
PKth18 Ne lois ne reprent ne argue.
PKth19 Unques a nul ne volt faillir
Fol. 317vb
PKth20 Ki de lui eust nul desir.
PKth21 Mult a en lui riche conquest
PKth22 Qui tostans fu et iert et est
PKth23 Or li prions par se douchour
PKth24 Quil nous doinst faire tel labour
PKth25 Et si sivir ichi se trache,
PKth26 Ke la le voions face a fache
PKth27 Ou il regne en se majesté
PKth28 Uns Deus en Sainte Trinité.
PKth29 Par se pitié me puist aidier
PKth30 A ceste oevre que vuel traitier
PKth31 Dun siue vraie amie,
PKth32 De cui translater vuell le vie,
PKth33 Del latin espondre en romans
PKth34 Por chou que plus plaisse at auquans.
PKth35 Ele fu jadis translatee
PKth36 Selonc le tans bien ordenee;
PKth37 Mais nestoient pas si voiseus
PKth38 Li home, ne si envieus
PKth39 Comme il sont au tans qui est ore
PKth40 Et aprés nos pieur encore.
PKth41 Por chou que li tans est mués
PKth42 Et des homes lé qualités
PKth43 Sest en le rime viex tenue
PKth44 Car ele est auques corrompue.
PKth45 Por chou si lestuet amender,
PKth46 Le tans selonc le gent user.
PKth47 Ne lament pas por mon orguel,
PKth48 Car point prisiés estre nen vuel;
PKth49 Il seus en doit loenge avoir
PKth50 De cui vient menn povre savoir.
PKth51 Si cum les estoires le dient
PKth52 Qui les anciens fais desl(q)ient,
PKth53 Qen Rome ot ja empereor
PKth54 Qui mult estoit de grant vigour.
PKth55 Constentins ot non ses pere,
PKth56 Le bone Helene fu se mere.
PKth57 Il meisme ot nom Constentins;
PKth58 A lui fu tous li regnes aclins.