Margot : Text search

Margot: A_d1
Text: Campsey 8 (A_d) : Vie de s. Audree, noneyne de Ely, by Marie, a nun

100v


Fol. 100va 

La Vie sainte Audree, noneyne de Ely

par

Marie, [une religieuse]


fol. 100v



Ici commence la vie seinte Audree,
noneyne de Ely.



   A_d1   An bon hovre e en bon porpens
A_d2   Deveroit chascun user son tens.
A_d3   Pur sage deveroit hon tenir
A_d4   Celui ke porroit sovenir
A_d5   Dont il est fait e qui le cria
A_d6   Et quel part il revertira.
A_d7   Cil qui bien font sunt honuré
A_d8   E de Dieu e del siecle amé.
A_d9   Poy vaut a home ses tresors,
A_d10   Puis ke l’ame se part del cors,
A_d11   S’il ne l’ha por Deu departi
A_d12   Et en sa vie (ms:departi) deservi,
A_d13   Ke ses biens venquent ses malices,
A_d14   Son orguil, ses mauveises vices.
A_d15   Gariz est ki desert en vie
A_d16   La Deu grace et sa compaignie.

   A_d17   Ce fist la virge sainte Audree,
A_d18   La royne bonuree,
A_d19   Ky deguerpi regne et hautesce
A_d20   Por avoir ou Deu la richesce
A_d21   Qu’il a promis a ses feus
A_d22   Ky sunt ou lui et il ou eus.
A_d23   Li clerc, li moine, li heremite.
A_d24   Ky ont ceste vie despite,
A_d25   Les saintes virges gloriuses
/A_d26   Ky se (ms:ses) firent a Deu espouses
A_d27   Regnent et vivent et viveront
A_d28   Ou Deu ki tut cria le mund.

   A_d29   Pour sainte Audree la roine
A_d30   Cui bien ne faut ne decline
Fol. 100vb 
A_d31   Hay comencé ce livre a faire.
A_d32   Ici m’estuet dire et retraire
A_d33   De quel linage ele fu nee
A_d34   Et com deus foiz fu mariee.
A_d35   Ainz ke paroil dou mariage,
A_d36   M’estuet moustrer de son linage.

   A_d37   Solom l’estorie as anciens
A_d38   En icel tens ke Marciens
A_d39   Hout de Rome la seignurie,
A_d40   L’empire et tute la baillie,
A_d41   Une genz, Engleis sunt nomez,
A_d42   En Bretaine sunt arivez.
A_d43   Cinqante sis et bien cent anz,
A_d44   Si come saint Bedes est disanz,
A_d45   Ainz ke saint Austin venist,
A_d46   I furent les Engleis, ceo dist,
A_d47   Treis maineres de compaignons,
A_d48   Godlondeis, Engleis et Seixons.
A_d49   Furent icil qui de Germaine
A_d50   Esteient venuz en Bretaine.
A_d51   De la lignee as Godlondeis
A_d52   Furent engendreis li Kenteis;
A_d53   L’autre partie des Estreis
A_d54   Furent engendrez des Engleis,
A_d55   L’autre partie des Seixons
A_d56   Ke Seixons Estreis apeluns;
A_d57   Est Aungle a non cele partie
A_d58   Dont Engleis eurent la seignurie.
A_d59   De cele genz fu engendree
A_d60   La glorieuse sainte Audree
A_d61   Ke mut fu de grant sainteté
A_d62   Et de real digneté.
A_d63   Redwald fu en icel tens reis,
A_d64   Ce dist l’estorie, del Kenteis.



Part of the Margot Project, University of Waterloo
Last compiled Apr 2 2019 12:35:54