111v
Fol. 111va
De Saint Gires
G_i1 D'un dulz (ms:e une dulce) escrit orrez la sume:
G_i2 Dirrai la vie d’un seint home
G_i3 Ki pur amur sun cher (ms:chere) Seignur
G_i4 Out feim e freit e grant labur,
G_i5 Ensurketut od bestes muez
G_i6 Vesqui meint an e d’erbes crues.
G_i7 Gentilz hom fu de grant parage,
G_i8 Riche de terre e d’eritage.
G_i9 Poi preisa sa terre e s’onur,
G_i10 Ço mustrat il al chef de tur,
G_i11 Kar pur estre povre e mendis
G_i12 Gerpi sa terre e ses amis.
G_i13 Par noit fuit de la contree,
G_i14 Covertement e a celee,
G_i15 Ke nel sout ami ne parent.
G_i16 Puis si vesqui mut seintement
G_i17 E fud de grant religiun.
G_i18 De Grece fud, Giles out non.
Fol. 111vb
G_i19 Ne fud pas [nez] de basse main,
G_i20 De vavassur ne de vilain,
G_i21 Nez fud de princes e de reis:
G_i22 Tuz ses lignages fud gregeis.
G_i23 Dedenz Athenes la cité
G_i24 Fud cist Gires nurri e nee.
G_i25 Ses peres out nun Theodorus,
G_i26 Riches de terre e d’aver plus;
G_i27 Sa mere out nun Pelagia,
G_i28 En tut France ne deça
G_i29 N’aveit femme de sa manere,
G_i30 Si chaste ne si almoner[e].
G_i31 En els dous out bon’ assemblee,
G_i32 A la parfin fud ben loee.
G_i33 Andui bone vie menerent,
G_i34 Deu servirent e aurerent.
G_i35 Ço ert le plus de lur labur
G_i36 De Deu servir (ms:servire) e noit e jur.
G_i37 Deu lur dunat un petit fiz
G_i38 Dun[t] sunt de joie repleniz.
G_i39 Mult en furent si parent lez,
G_i40 A grant joie fud baptizez:
G_i41 Gires l’apelent de cherté,
G_i42 Par les parenz fud confermé.
G_i43 Quant vint a l’h[e]é de set anz
G_i44 Mult ert creu e mult fud granz;
G_i45 A lettres l’ad ses pere mis:
G_i46 A la divinité s’est pris,
G_i47 A ço mist li emfes s’entente.