Margot : Rechercher
Margot: E_m1
Text: Campsey 7 (E_m) : Matthieu Paris, Vie de s. Eadmund, arcevesque de Cantorbire
85v
Fol. 85vb
MS London BL Addditional 70513
La Vie saint Eadmund le Confesseur, arcevesque de Canterbire
par
Matthieu Paris
fol.
85v
Ici comence la vie saint Ead-
mund le confessur, arcevesque
de Canterbire, translaté de
latin en romanz par la re-
queste la cuntesse de Arundel.
E_m1 Ki de un sul felun ad victoire
E_m2 Mut pot aver joie e gloire;
E_m3 E ki veint sul deus enemis,
E_m4 Tant desert cil greignur pris;
E_m5 Ki sul veint treis, cist plus desert
E_m6 Que los eit, en escrist apert.
E_m7 Ces (ms:Ceo) moz vus escrist e[n] sunt
E_m8 Pur le arceveske saint Edmund,
E_m9 De Canterbire le prelat,
E_m10 Et de Engleterre fu primat,
E_m11 Ki sul par sa vertu demene
E_m12 Et [la] grace celestiene
E_m13 Treis fors adversaries venqui:
E_m14 Sa char, le mund, le Enemi;
E_m15 Sa char, son enemi privé,
E_m16 Par june e par chasteté;
E_m17 Le mund, par humilité
E_m18 Et par sen de divinité;
E_m19 Et si descunfist li diable
E_m20 Par penser espiritable,
E_m21 Par sa graunt devotiun,
E_m22 Aumones e ou oraisun.
(Réclame : Bien dei de lui
escrire)